Дэлхий даяар анх удаа аппликейшн худалдан авалтад Google болон Apple-ийн төлбөрийн хязгаарлалтаас урьдчилан сэргийлэхэд засгийн газар хөндлөнгөөс оролцсон явдал боллоо. БНСУ гар утсаар хийгддэг төлбөр тооцооны зах зээл дэх "Google-ийн эсрэг хууль"-ийг баталжээ. Энэ нь Харилцаа холбооны бизнесийн тухай хуульд оруулсан нэмэлт өөрчлөлт бөгөөд 188 гишүүн оролцсоноос 180 нь дэмжсэн байна.
Ингэснээр хэрэглэгчдийг аппликейшн худалдан авахдаа өөрийн хүссэн сувгаар төлбөр тооцоо хийх боломж олгох бөгөөд Google, Apple зэрэг аппликейшн худалдаачид төлбөрийн зарим хэлбэрийг албадан гаргах, гар утасны контентийг хянан шалгах, аппликейшныг зах зээлээс шударга бусаар устгахаас сэргийлжээ. Уг арга хэмжээг өнгөрсөн жил санал болгосон ч Apple болон Google -ийн хүчтэй эсэргүүцэлтэй тулгарсан юм.
“Apple” болон “Google” аль аль нь өөрсдийн платформоор хийгдсэн худалдан авалт бүрээс 30 орчим хувийн хураамж авдаг бөгөөд бусад сувгаар төлбөр тооцоо хийхийг хориглодог нь хэрэглэгчийн хувийн мэдээллийг хамгаалах, залилангаас сэргийлэх зорилготой гэж мэдэгджээ.
Энэхүү хууль нь БНСУ болон АНУ-ын хооронд худалдааны хурцадмал байдал үүсгэхгүй гэж таамаглаж байгаа боловч Biden-ий засаг захиргаа ийм боломжийн талаар санаа зовж байгаагаа илэрхийлсэн гэж Азийн интернэт эвслийн захирал мэдэгдсэн байна.
БНСУ-ын мэдээллийн технологийн компаниудыг төлөөлж ажилладаг ашгийн бус байгууллага болох Интернет корпорациудын холбоо мөн парламентын шийдвэрийг сайшааж байна. Үүнийг дагаад Австрали улсын Өрсөлдөөн ба Хэрэглэгчийн Комисс (ACCC) мөн Apple, Google, WeChat-ийн дижитал төлбөрийн системийн зохицуулалтыг хэлэлцэж байгаа гэж хэвлэлүүд мэдээлж байна.
“Google Play нь төлбөрийн системээс илүү үйлчилгээ үзүүлдэг бөгөөд үйлчилгээний төлбөр нь аппликейшнийг үнэгүй байршуулж, хөгжүүлэгчдэд болон олон тэрбум хэрэглэгчдэд хандах хэрэгсэл, дэлхийн платформыг өгдөг.” гэж Google-ийн хэвлэлийн төлөөлөгч мэдэгдсэн байна.
Харин Apple компани мэдэгдэлдээ "Үүний үр дүнд App Store худалдан авалт хийх хэрэглэгчдийн итгэл буурна гэж бид үзэж байна. Солонгос улсад бүртгэлтэй 482,000 гаруй хөгжүүлэгчид Apple-ээс өнөөг хүртэл 8.55 их наяд гаруй вонийн орлого олсон байдаг.” гэжээ.
"Энэхүү түүхэн үйл ажиллагаа, БНСУ-ын хууль тогтоогчдын зоригтой манлайлал нь аппликейшний экосистемийг шударгаар ашиглахын төлөөх тэмцлийн чухал алхам боллоо. Чуулганаар баталсан хууль тогтоомж нь Солонгост аппликейшний худалдан авалтыг зогсоох бөгөөд инновацийг зөвшөөрөх болно. Хэрэглэгчдийн сонголт, өрсөлдөөн энэ зах зээлд цэцэглэн хөгжих болно." гэж алдарт Tinder программыг эзэмшдэг Match Group (MTCH.O) компанийн хэвлэлийн төлөөлөгч мэдэгдэлдээ дурджээ.
Эх сурвалж:
www.reuters.com
www.nytimes.com
www.ft.com
techcrunch.com
