Их Британи Умард Ирландын Нэгдсэн Вант улсад 133000 гаруй хүн халдвар авч, 18000 орчим хүн нас барсан тухай мэдээлж байна. Ерөнхий сайд Б.Жонсон 2020 оны 3 дугаар сарын 23-ны өдөр ИБУИНХУ-д коронавируст халдварын тархалт хурдацтай нэмэгдэж байгаа явдлыг сааруулах үүднээс улс даяар хөл хорио тогтоосноо зарласан бол 4 сарын 16-нд сунгаж, дор хаяж 3 долоо хоног үргэлжлүүлэхээр болжээ.
- Коронавирусын эсрэг гурван үе шаттай үйл ажиллагааны төлөвлөгөө гаргсан.
- / containment, delay and mitigation/
- Иргэдийг дараах 4 тохиолдлоос бусад үед гэрээсээ гарахыг хориглолоо.
o Хүнсний дэлгүүр, эмийн сан орох
o Өдөрт нэг удаа биеийн тамирын дасгал хийхээр гарах
o Эмнэлэгийн тусламж эрэх, бусдыг асрахаар гарах
o Гэрээсээ ажиллах боломжгүй хүмүүс
- Хүнснээс бусад бүх төрлийн дэлгүүр, номын сан, тоглоомын болон спортын задгай талбай, сүм, мөргөлийн газруудын үйл ажиллагааг хаасан.
- Нэг өрхийн биш 2-оос олон хүн нэг дор цугларах, оршуулгаас бусад бүх төрлийн олон нийтийн арга хэмжээ зохион байгуулахыг хориглов.
- Хөл хорионы хэрэгжилтэд цагдаагийн алба хаагчид хяналт тавих бөгөөд илэрсэн зөрчилд торгууль ногдуулна.