Мэдээ » Гадаад мэдээ |
Коронавирус: Итали улс |
Огноо: 2020 оны 04 сарын 16 |
|
Бүгд Найрамдах Итали Улсад шинэ төрлийн коронавирусын халдварын тархалт өдөр бүр нэмэгдэж байна. Италийн Иргэний хамгаалалтын байгууллагаас хийсэн хамгийн сүүлийн мэдээллээр коронавирусын халдварт хатгалгаагаар өвчилсөн нийт 187000 гаруй тохиолдол бүртгэгдэж, 25000 орчим хүн нас баржээ.
Ерөнхий сайд Жузеппе Конте Италийг бүхэлд нь "улаан бүс" гэж зарласан бөгөөд засгийн газар авч буй арга хэмжээгээ улам чангаруулж байгаа ба эдгээр арга хэмжээ тодорхой хэмжээнд үр дүнгээ өгч, сүүлийн өдрүүдэд халдвар авагсад болон нас барагсдын тоо буурч байгаа нь ажиглагдаж байна.
- Итали улс 3-р сарын 12-нд хөл хорио тогтоож, 3-р сарын 25-ны өдөр дахин сунгаж аажмаар чангалав.
- Ажилдаа явах болон эрүүл мэндийн зайлшгүй үйлчилгээ авах зорилгоос бусдаар оршин суугаа газраасаа бусад муж, хот руу нийтийн тээвэр болон хувийн унаагаар зорчих хөдөлгөөнийг бүрмөсөн хязгаарласан.
- Эмнэлгийн үйлчилгээ авах, хүнсний дэлгүүр, эмийн сангаар үйлчлүүлэх болон ажилдаа явах зэрэг зайлшгүй тохиолдолд өөрийн биед авч явах шаардлагатай маягт гаргасан.
- Нэг хотоос нөгөө хот руу шилжихэд тухайн хүн ажил, эрүүл мэнд эсвэл онцгой байдлын зорилгоор аялж байгаа гэдгээ цагдаагийн маягтад гарын үсэг зурж баталгаажуулах шаардлагатай.
- Хүнс, эрүүл мэнд болон эдийн засгийн стратегийн ач холбогдол бүхий бараа бүтээгдэхүүн үйлдвэрлэлээс бусад салбар дахь аж ахуй нэгжийн үйл ажиллагаа, олон нийтийн цугларалтад хориг тавьсан.
- Тус улсын дотоодын бүх спортын арга хэмжээг 4 дүгээр сарын 3-ны өдөр хүртэл түр зогсоохоор шийдвэрлэсэн.
- Эдийн засгийн дэд сайд Лаура Кастелли дэгдэлт гарсантай холбогдуулан орон сууцны зээлийн төлбөрийг бүхэлд нь зогсооно гэж зарласан.
- Музей, заал, сургууль, их дээд сургууль, цанын баазыг түр хугацаагаар хаасан.
- Засгийн газраас ААН-үүдэд 7.5 тэрбум еврогоор туслах санхүүгийн арга хэмжээг авч, дахин 10 тэрбум еврогоор нэмэгдүүлэв.
|
|
|
|
"Кибер аюулгүй байдал" сэтгүүл |
|
Шинэ Мэдээ |
|
|