БНХАУ-ын Мэдээллийн аюулгүй байдлын төв нь Бээжингийн химийн технологийн их сургуультай хамтран алсын зайн сургалт явуулах Үндэсний кибер аюулгүй байдлын мэдлэг олгох сургалтын төвийг байгуулсан байна.

Уг төв нь мэдээллийн аюулгүй байдлын тухай мэдлэг олгох, тусгайлсан чиглэлүүдээр сургалт явуулах, кибер аюулгүй байдлын мэргэжилтэн бэлтгэх процессийг түргэсгэх гэсэн үндсэн гурван зорилготой байна. Уг төвийн үйл ажиллагаа нь Кибер аюулгүй байдлын төвийн ажилчдын олон жилийн туршид хуримтлуулсан мэдлэг туршлага дээр тулгуурлан  явагдах бөгөөд сургалтад дараах сэдвүүд багтжээ. Үүнд:  мэдээллийн аюулгүй байдлын талаар мэдлэг олгох (Information Security Awareness Training - ISAT), мэдээллийн аюулгүй байдлын аудит, аюулгүй байдлын үйл ажиллагаа, үүлэн тооцооллын аюулгүй байдал, IoT аюулгүй байдал, мобайл интернетийн аюулгүй байдал гэх мэт сэдвүүд багтсан байна.

        Эх сурвалж: http://www.itsec.gov.cn/