2020-08-03 English
Нүүр хуудас » Мэдээ » Гадаад мэдээ
Мэдээ » Гадаад мэдээ
“Apple”-д хортой кодын хамгаалалт хэрэгтэй
Огноо: 2020 оны 07 сарын 09
Apple компанийн хөгжүүлсэн үйлдлийн систем хортой кодоор халдварладаггүй тул түүнээс хамгаалах программ хангамж суулгах шаардлагагүй гэж олон хүмүүс үздэг. Энэ тогтсон ойлголт нь цахим аюулгүй байдлын хувьд буруу бөгөөд “macOS” үйлдлийн системүүдэд “Windows” үйлдлийн системийн нэгэн адил хортой кодын хамгаалалт хэрэгтэй болжээ. 

Өнгөрөгч 7 хоногт “ThiefQuest” нэртэй нэгэн шинэ төрлийн хортой код P2P үйлчилгээгээр дамжин тархдаг хууль бус программ хангамжуудаас илэрч эхэлсэн. Энэ хортой код нь бусад хортой кодын адил гарын даралт цуглуулах, удирдлага хяналтын сервертэй холбогдох, мэдээлэл дамжуулах гэх мэт тагнан турших функцүүдтэй бөгөөд “macOS” төрлийн үйлдлийн системүүд нь гол хохирогч болоод байна. Одоогоор p2p үйлчилгээ үзүүлэгч “Torrent” цахим хуудсуудаас “Little Snitch”, “Mixed in Key”, “Ableton” зэрэг программ хангамжуудаас уг хортой код илэрсэн байна.

Мөн түүнчлэн тухайн компьютероос сертификатын файлууд, бичиг баримт, текст файл, эх код, цахим мөнгөний хэтэвчнээс цахим мөнгө олзлох чадвартай гэж мэдээлэл технологийн тэргүүлэх байгууллага болох “Bleeping Computer”-оос анхааруулсаар байгаа бөгөөд үүнээс гадна уг хортой код нь “ransomware” шинж чанартай боловч, ямар нэгэн эргээд холбоо тогтоох хаяг, мэдээлэл, тайлах түлхүүр зэргийг үлдээдэггүй тул “wiper” шинж чанартай гэх нь илүү тохиромжтой. 

Аюулгүй байдлын мэргэжилтнүүдийн анхааруулж байгаагаар хэрэв хэрэглэгч ямар нэгэн хууль бус, эзэмших эрхгүй программ хангамж татан авч суулгаагүй бол энэ хортой кодоор халдварлах магадлал тун бага ажээ. Хууль бус программ хангамжийг суулгахын тулд хэрэглэгч нь “macOS” үйлдлийн системээс сануулж буй олон анхааруулгыг унтрааж, аюулгүй байдлын горимуудыг идэвхгүй болгох шаардлагатай байдаг. 

Энэ хортой код нь “macOS” үйлдлийн систем хортой кодын халдварт өртдөггүй гэсэн тогтсон ойлголтыг эвдэж, “Windows” үйлдлийн системтэй мөр зэрэгцэн хортой кодын гол бай болж эхэлснийг харуулж байна. 



Эх сурвалжууд:
https://www.wired.com/story/new-mac-ransomware-thiefquest-evilquest/
https://www.bleepingcomputer.com/news/security/the-week-in-ransomware-july-3rd-2020-yes-macs-need-antivirus/

 
Мэдээ
 
Шинэ Мэдээ
eSIM гэж юу вэ? eSIM гэж юу вэ?
2020-07-21
Windows үйлдлийн системийн шинэчлэлт Windows үйлдлийн системийн шинэчлэлт
2020-07-09
“Apple”-д хортой кодын хамгаалалт хэрэгтэй “Apple”-д хортой кодын хамгаалалт хэрэгтэй
2020-07-09
“BIOS” халдлага илрүүлэх программ “BIOS” халдлага илрүүлэх программ
2020-06-19
Samsung-ийн утсаа update хийгээрэй Samsung-ийн утсаа update хийгээрэй
2020-06-19
BigData VS Covid-19 BigData VS Covid-19
2020-06-19
DDoS халдлагын идэвхжил DDoS халдлагын идэвхжил
2020-06-19
Bluetooth холболтоо унтрааж хэвшье Bluetooth холболтоо унтрааж хэвшье
2020-06-10
5G технологийн хөгжил 5G технологийн хөгжил
2020-06-10
Кибер халдлагын өнөөгийн байдал Кибер халдлагын өнөөгийн байдал
2020-05-28
Нийгмийн сүлжээн дэх луйвар Нийгмийн сүлжээн дэх луйвар
2020-05-25
Эмзэг байдлын тайлан Эмзэг байдлын тайлан
2020-05-21
Цахим сонгууль Цахим сонгууль
2020-05-14
Цахим орчны Цахим орчны "Цар тахал"
2020-05-05
Alibaba үүлэн тооцооллын дэд бүтцэд хөрөнгө оруулна Alibaba үүлэн тооцооллын дэд бүтцэд хөрөнгө оруулна
2020-04-22