Касперский, ESET гэх мэт аюулгүй байдлын вендорууд жил бүр аюулгүй байдал эсхүл кибер халдлагын талаар сонирхолтой тайлан гаргадаг бөгөөд энэ удаад веб аппликейшний эмзэг байдлыг илрүүлж, программ хангамжийн аюулгүй байдлыг сайжруулах зорилготой Акунтексийн гаргасан 2020 оны эмзэг байдлын тайлангаас та бүхэнд танилцуулья.
Энэхүү тайлан нь вэб аппликейшний, сүлжээний периметрийн аюулгүй байдлын нөхцөл байдлын талаарх мэдээлэл өгдөг. Энэ жилийн тайланд 5000 зорилтот скан мэдээлэл дээр үндэслэн 2019 оны 3-р сараас 2020 оны 2-р сарын хооронд буюу 1 жилийн хугацаанд илрүүлсэн эмзэг байдлын үр дүн, дүн шинжилгээг оруулсан байна.
Эмзэг байдлын скан хийсэн вебсайтуудын:
- 26% нь эмзэг байдлын өндөр түвшин;
- 63% нь эмзэг байдлын дундаж түвшин;
- 11% нь эмзэг байдлын бага түвшний эрсдэлтэй байсан байна.
Эмзэг байдлыг төрлөөр нь гаргахад:
- 8% нь SQL Injection-ийн эмзэг байдал,
- 25% нь Cross-Site-Scriptting (XSS) эмзэг байдал,
- 24% нь эмзэг байдал бүхий JavaScript-ийн сан,
- 36% нь Cross-site Request Forgery (CSRF) эмзэг байдал,
- 2.5% нь Host header injection эмзэг байдал
- 24% нь WordPress эмзэг байдал тус тус байсан байна.
Энэхүү тайланг татаж авах боломжтой бөгөөд мэдээллийн аюулгүй байдлын мэргэжилтнүүд болон вэб програм хөгжүүлэгчдэд сүлжээ, программын хамгийн сүүлийн үеийн аюул занал, вэбийн эмзэг байдлаас хэрхэн хамгаалах талаар ойлгоход тусална.