2020-04-06 English
Нүүр хуудас » Мэдээ » Гадаад мэдээ
Мэдээ » Гадаад мэдээ
“Covid-19 “ вирусын цахим орчинд үзүүлэх нөлөө
Огноо: 2020 оны 03 сарын 09

Шинэ төрлийн титэм вирусын халдвар 110,000 мянган тохиолдолд хүрч, дэлхийн 108 улс орныг хамраад байгаа билээ. Энэ хүнд нөхцөл байдал дэлхийн бүх улс орны эдийн засаг, зам тээвэр, гадаад харилцаа зэрэг олон салбаруудад сөргөөр нөлөөлж байгаа бөгөөд цахим орчин ч энэхүү нөлөөллөөс гадуур үлдэх боломжгүй байна. Цахим орчин нь олон нийтэд халдварын нөхцөл байдлын тухай мэдээллийг түргэн шуурхай түгээх, урьдчилан сэргийлэх давуу талтай ч мөн олон төрлийн эрсдэл дагуулж байгааг кибер аюулгүй байдлын мэргэжилтнүүд анхааруулсаар байна.

АНУ-ын Вашингтон хотын захиргаанаас ковид-19 халдварын нөхцөл байдлыг кибер гэмт хэргийн бүлэглэлүүд ашиглан “Phishing” халдлагууд үйлдэх болсон талаар сэрэмжлүүлэг гаргасан. Кибер халдлага үйлдэгчид хохирогчийн өвчний халдварын талаарх айдас, болгоомжлол, энэ талаарх мэдээллийг олж авах хүсэлтийг  “Phishing” буюу цахим шуудангийн хорт код бүхий хавсралтыг нээх магадлалыг өсгөх зорилгоор ашиглах тохиолдол өсч байгаа тухай энэ сэрэмжлүүлэгт тусгажээ. Өөрөөр хэлбэл хохирогч руу хорт код бүхий хавсралттай цахим шуудан илгээхдээ аливаа нэгэн эрүүл мэндийн байгууллага, төрийн байгууллагыг төлөөлж, өвчний халдварын талаар мэдээ, мэдээлэл хэлбэрээр илгээх нь кибер халдлага амжилттай болох үндэс болж байна. Энэ талаар АНУ-ын Вашингтон, Лас-Вегас хотын холбогдох байгууллагуудаас сэрэмжлүүлэг гаргасан бөгөөд одоогоор 10 орчим /pdf, mp4, docx гэх мэт/ төрлийн файлууд илрээд байгаа бөгөөд эдгээр файлууд нь хэрэглэгчийн хувийн мэдээллийг олзлох хортой код байхаас гадна “ransomware”, “crypto-miner” төрлийн хортой кодууд ч байгааг кибер аюулгүй байдлын судлаачид олж тогтоожээ.

Вухан Корона вирусын “Фишинг” давалгаа №1

Эхний давалгаагаар АНУ-ын Өвчний урьдчилан сэргийлэлт, хяналтын төв /CDC/-ийг төлөөлж тус орны иргэд рүү халдаж эхэлсэн бөгөөд дотоодын хямралын удирдлагын систем байгуулсан тул шуудан хүлээн авагч иргэн /хохирогч/-ийг холбоос дээр дарж, тус системд бүртгүүлэхийг хүссэн утгатай цахим шууданг илгээх замаар халдлага хийж эхэлсэн байна. Хохирогчид холбоос дээр дарснаар Өвчний урьдчилан сэргийлэлт, хяналтын төвийн хуурамч цахим хуудсанд хандаж хувийн мэдээллүүдээ алдаж байжээ.                                                                                                              

2019-nCOV “Фишинг” давалгаа №2

АНУ болон Их Британи улсуудыг чиглэсэн хортой код бүхий хавсралт файлтай өөр нэг “фишинг” давалгаа явагдаж буйг “Mimecast” аюулгүй байдлын фирм илрүүлжээ. Уг халдлага цахим шуудангийн хавсралттай танилцаж, ковид-19 халдвараас яаралтай сэргийлэх зөвлөмжтэй танилцахыг хүссэн утгатай цахим шууданг хохирогчид руу илгээх замаар үйлдэгдэж байсан байна.


 Кибер аюулгүй байдлын мэргэжилтнүүд дээрх төрлийн халдлагаас сэргийлэх дараах зөвлөмжүүдийг авч хэрэгжүүлэхийг санал болгосон байна. Үүнд:

  •  Өвчний тархалт, урьдчилан сэргийлэлтийн талаар мэдээллийг Засгийн газрын найдвартай эх сурвалжаас авах. Манай орны хувьд зөвхөн Эрүүл мэндийн яамнаас мэдээлэл авах.
  • Хортой код эсэргүүцэх технологийн шийдэл /Жишээ нь: лицензтэй антивирусны програм хангамж/-ийг ашиглах.
  • Кибер аюулгүй байдлаа хангах сонор сэрэмжээ дээшлүүлж, цахим ариун цэвэр сайтар сахих.

 

Эх сурвалж:

  • Washington’s Consolidated Technology Services Agency – News reports: “Phishing attacks use coronavirus outbreak to trick victims”.
  • FOX 5 Las Vegas- News: “Las Vegas cyber security warns of scams tied to coronavirus” by Tiana Bohner.
  • Cybersecurity Insiders network – “Now meet the Cyber Threat in the name of Coronavirus” by Naveen Goud.
  • “Bleeping Computer” Технологийн цахим сэтгүүл – Coronavirus Phishing Attacks are actively targeting the US by Sergiu Gatlan

 
Мэдээ
 
Шинэ Мэдээ
Хиймэл оюун ухаант дуут технологийг ганцаардалтай тэмцэхэд ашиглаж байна Хиймэл оюун ухаант дуут технологийг ганцаардалтай тэмцэхэд ашиглаж байна
2020-04-01
Коронавирус ба кибер халдлага Коронавирус ба кибер халдлага
2020-03-30
Цахим хэтэвч ашиглая Цахим хэтэвч ашиглая
2020-03-30
“Tiktok” аппликейшн хангалттай найдвартай юу? “Tiktok” аппликейшн хангалттай найдвартай юу?
2020-03-26
Кибер аюулгүй байдлын мэдлэг олгох үндэсний сургалтын төв Кибер аюулгүй байдлын мэдлэг олгох үндэсний сургалтын төв
2020-03-17
Үүрэн телефоны хэрэглэгчийн яриа, мессежний нууцлал,  аюулгүй байдлыг хангах нь Үүрэн телефоны хэрэглэгчийн яриа, мессежний нууцлал, аюулгүй байдлыг хангах нь
2020-03-16
“Covid-19 “ вирусын цахим орчинд үзүүлэх нөлөө “Covid-19 “ вирусын цахим орчинд үзүүлэх нөлөө
2020-03-09
Коронавирусын тархалтыг хянахад царай таних технологийг ашиглаж байна Коронавирусын тархалтыг хянахад царай таних технологийг ашиглаж байна
2020-03-09
Amazon-ийн Ring Video Doorbell нь халдагчдад таны Wi-Fi-ын  нууц үгийг хулгайлах боломжийг олгодог Amazon-ийн Ring Video Doorbell нь халдагчдад таны Wi-Fi-ын нууц үгийг хулгайлах боломжийг олгодог
2020-02-20
Таны мессежийг хэн уншиж байна вэ? Таны мессежийг хэн уншиж байна вэ?
2020-01-20
Анхааруулга Анхааруулга
2019-12-20
Оросын хакерууд  допингийн эсрэг агентлагуудыг онилж байна. Оросын хакерууд допингийн эсрэг агентлагуудыг онилж байна.
2019-12-10
/ End-to-end / шифрлэлтийг хориглох тухай хэлэлцэж байна. / End-to-end / шифрлэлтийг хориглох тухай хэлэлцэж байна.
2019-11-20
ОХУ “Царцаа”-ны тусламжтайгаар өгөгдлүүдийг шифрлэнэ. ОХУ “Царцаа”-ны тусламжтайгаар өгөгдлүүдийг шифрлэнэ.
2019-11-10
“Касперскийн лаборатор”-оос кибер аюулгүй байдлын ур чадвар эзэмшүүлэх онлайн платформыг гаргажээ. “Касперскийн лаборатор”-оос кибер аюулгүй байдлын ур чадвар эзэмшүүлэх онлайн платформыг гаргажээ.
2019-10-20