2019.3.28. ОХУ, Москва, ria.ru
ОХУ-ын Аюулгүй байдлын зөвлөлийн салбар дундын комисс төрийн байгууллагуудад мэдээлэлийн хамгаалалтыг сайжруулах асуудлыг авч хэлэлцэв гэж Оросын холбооны улсын Аюулгүй байдлын зөвлөлийн хэвлэлийн албанаас мэдээллээ.
Тус комиссоос гаргасан мэдэгдэлд “Төрийн байгууллагууд болон орон нутгийн засаг захиргааны удирдах албан тушаалтнууд нууц мэдээ, мэдээллийн асуудлаар хувийн хариуцлагыг дээшлүүлэх шаардлагатай ” байгааг тэмдэглэсэн байна.
Мэдээллийн аюулгүй байдлыг хангах салбарт боловсон хүчнийг бэлтгэх сургалтын чанарыг дээшлүүлэх, мэдээлэл хамгаалах үйл ажиллагаанд тавих хяналтыг нэмэгдүүлэхэд онцгой анхаарал хандуулж байгаа юм.
Мэдээллийн аюулгүй байдал нь – Улс орны үндэсний аюулгүй байдлын чухал бүрэлдэхүүн хэсгүүдийн нэг юм. ОХУ-ын тусгай албанаас тус улсын төрийн байгууллагуудын мэдээллийн системд хортой програм хангамж нэвтрүүлэх гадаад улсуудын техникийн тагнуулын үйл ажиллагаа идэвхжиж байгааг тэмдэглэжээ.
ОХУ-ын Аюулгүй байдлын зөвлөлийн нарийн бичгийн дарга Николай Патрушев хэлэхдээ “Орос улсад гадаадын програм хангамж болон компьютерын технологийг өргөнөөр хэрэглэж байгаа нь технологийн үйл явцыг зогсоох аюулыг бий болгох, төрийн байгууллагуудын мэдээллийн дэд бүтцийг алсаас хаах хүртэл мэдээллийн аюулгүй байдлын түвшинг эмзэг байдалтай болгож байна.
Түүнээс гадна ОХУ-ын зах хязгааруудад бүс нутгийн төрийн байгууллагын болон орон нутгийн засаг захиргааны албан хаагчид мэдээлэл харилцааны нөөцийн асуудлыг шийдвэрлэхэд Google, Yahoo зэрэг програмуудыг ашиглаж байгаа нь одоо ч гэсэн ноцтой аюулыг хэвээр хадгалсаар байна. ” гэжээ.