2019.01.16. ОХУ, Москва. it-files.com.
Мэдээллийн аюулгүй байдлыг хангах “Ланита” хэлтсээс “Логос” нэртэй програмын цогц шийдлийг танилцуулжээ. Энэхүү систем нь хэвлэлтэнд автоматаар хяналт тавих бөгөөд контекст анализ хийж, хэвлэгч рүү илгээсэн файлуудын текст доторх түлхүүр үгийг хайхад ашигладаг. “Логос” нь нууц мэдээлэл, худалдааны нууц алдагдахаас сэргийлэх бөгөөд хэвлэгдэж буй файлуудыг задлан шинжилдэг. Бүтээгдэхүүн нь Microsoft Excel-тэй нийцсэн формат руу өгөгдөлүүдийг байршуулж, гүйцэтгэсэн ажлын бүртгэл хөтлөж, бичлэгүүдийг архивладаг байна.
Програмын цогц шийдэл нь гурван бүрэлдэхүүн хэсгээс бүрдэнэ. Үүнд:
1.”Агент”- нууцлалын шинж тэмдэгтэй бичиг баримтыг хэвлэх, хэвлэгчийг буруугаар ашиглахыг хянаж байдаг,
2.”Панель”- системийн бүх бүрэлдэхүүн хэсгийг хянах цорын ганц арга юм. Үүнийг ашиглан мэдээллийн аюулгүй байдлын администратор нь , бүлэг хэвлэлтийн хяналтын бодлогыг тохируулах, тексттэй ажиллах, хэвлэсэн баримт бичгүүдийг үзэх боломжтой. Удирдах самбартай ажилладаг мэргэжилтэн нь анхааруулга, засвар үйлчилгээний ажлыг тохируулах боломжтой.
3.”Служба”- нь “Агент” болон “Панель”-тай харилцан үйлчлэх ба хэвлэх ажлуудыг хадгалахын тулд файлуудыг санд байрлуулдаг.Энэ бүрэлдхүүн хэсэг нь SQLite өгөгдлийн базуудыг удирддаг системд ашиглах мэдээллүүдийг хадгалдаг бөгөөд хуваарын дагуу өгөгдлийн базын бүрэн бүтэн байдал, агентын нөхцөл байдлыг шалгадаг байна.
“Логос” систем нь хэвлэх урсгалыг шууд задлан шинжилдэг ба баримт бичгийг хэвлэх явцыг хянах үйл ажиллагааг автоматжуулж, нууц мэдээлэл, худалдааны нууцлал алдагдахаас сэргийлдэг. Систем нь хэвлэлтийн хяналтын нэгдсэн интерфэйсийг үүсгэн, уян хатан удирдлагын механизмыг байгуулж, хэвлэлтийн динамик шинжилгээний дүрмийг бий болгодог. Програмын цогц шийдлийн тусламжтайгаар компани нь будлиануудын талаархи мэдээллийг авах боломжтой ба хамгаалагдсан төвлөрсөн хэвлэлтийн санг ашиглах боломжтой юм.