2019.01.10. ОХУ, Москва. uazmi.tech.

ОХУ-ын Харилцаа холбооны яам холбооны операторууд өөрсдийн харилцагчдын хуримтлагдсан мэдээллийг терроризмийн эсрэг хууль тогтоомжийн шаардлагын дагуу хадгалах тухай засгийн газрын тогтоолд өөрчлөлт оруулах төслийг боловсруулжээ. Энэ тухай холбогдох баримт бичгийг regulation.gov.ru.сайт дээр нийтэлсэн байна.

Үүнээс үүдэн 2016 онд батлагдсан Терроризмийн эсрэг багц хуулинд өөрчлөлт оруулах бөгөөд энэхүү хууль нь, хуулийн  төсөл дээр ажиллаж байсан ОХУ-ын думын гишүүн Ирина Яровын нэрээр олон нийтийн дунд “Яровын хууль” гэж нэрлэгдэх болжээ.

Хуульд зааснаар 2018.07.01-ны өдрөөс эхлэн холбооны операторууд нь харилцагчдын агуулагдсан захидал харилцааг ОХУ-ын нутаг дэвсгэр дээр 6 сар хүртэл хугацаагаар хадгалах үүрэг хүлээнэ.

ОХУ-ын ерөнхийлөгч Владимир Путин энэхүү хуулинд гарын үсэг зурж, Харилцаа холбооны яам болон Үйлдвэр худалдааны яаманд эх орны үйлдвэрийн тоног төхөөрөмж дээр үндэслэн энэхүү хуулийн хэрэгжилтийг хангахыг үүрэг болгожээ.

Хуулийн хэрэгжилтийн хүрээнд харилцаа холбооны операторуудад тавигдаж байгаа шаардлагуудыг зохицуулах засгийн газрын тогтоол 2018 оны хавар гарсан юм.

Утсан харилцааны операторууд харилцагчийн ярианы бичлэгийг хагас жилийн хугацаанд хадгалах үүрэг хүлээж байна. Харин өгөгдлийг дамжуулах операторууд нь  тухайн системийн оператор ашиглалтын хугацаа дуусахаас емне дамжуулсан захиалагчийн өгөгдөлүүдийг хадгалахад шаардлагатай зай багтаамжийг хуваарилах үүрэгтэй.Жил бүр энэ зай багтаамж нь 15 хувиар өсөх төлөвтэй байна.