Литва улсын парламент өгөгдлийг дамжуулах хамгаалагдсан сүлжээ үүсгэх хууль баталлаа гэж тус улсын батлан хамгаалах яамны хэвлэлийн албанаас мэдэгджээ.
Энэхүү арга хэмжээний зорилго нь мэдээллийн аюулгүй байдлыг хангахад чиглэсэн байна.
“Одоо үед төрийн байгууллагуудын онц чухал серверүүд, бүртгэл ба өгөгдөлүүд бараг хэдэн зуун дата төвүүдээр тархсан байна. Энэхүү шинэ загвар нь дэд бүтцийн одоо байгаа давхардлыг арилгаж, төрийн хүч хэрэгслийг кибер аюулгүй байдлыг хангахад илүү үр ашигтай ашиглах боломжийг олгоно” гэж Литва улсын батлан хамгаалах яамны орлогч сайд Эдвинис Керза хэлжээ.
Өгөгдлийг дамжуулах төвүүд нь тус улсын газар нутаг дээр болон Брюссель дэхь НАТО-ийн штабын байранд байрлахаар төлөвлөж байна.
Хамгаалагдсан сүлжээ нь Литва улсын онцгой байдлын асуудлыг хэрэгжүүлэх байгууллагуудыг нэгтгэж, улс орон хямралт байдалд орсон үед төрийн чиг үүргийг хэрэгжүүлэх тэдний үйл ажиллагаа, өгөгдлийн аюулгүй байдлыг хангана.
Литва улсын засгийн газраас “кибер аюулгүй байдлыг хангах үндэсний стратегийг Европийн холбооны “мэдээллийн систем ба сүлжээний аюулгүй байдлыг хангах “ тухай удирдамжтай нийцүүлж баталсан” гэжээ.